..:: audio-music dot info ::..


Main Page     The Desert Island     Copyright Notice
Aa Bb Cc Dd Ee Ff Gg Hh Ii Jj Kk Ll Mm Nn Oo Pp Qq Rr Ss Tt Uu Vv Ww Xx Yy Zz


Ostbahn Kurti: Liagn & Lochn

 A l b u m   D e t a i l s


Label: Amadeo Records
Released: 1989
Time:
 53:39
Category: Austro-Pop
Producer(s): DR. BEI und OSTBAHN-KURTI
Rating: *****..... (5/10)
Media type: CD
Web address: www.ostbahn.at
Appears with:
Purchase date: 2001.08.21
Price in €: 10,99



 S o n g s ,   T r a c k s


[1] Voll do (O.Kurti/Graininger/Stewart) - 3:35
[2] Da Joker (O.Kurti/Steve Miller) - 4:45
[3] Arbeit (O.Kurti/B.Springsteen) - 3:00
[4] [Heit loss i] Anschreibm (O.Kurti/Chefpartie) - 2:30
[5] Pudel (O.Kurti/Chefpartie) - 5:00
[6] Romeo, Romeo (O.Kurti/Alvin) - 3:55
[7] Liagn & lochn (O.Kurti/Townes van Zandt) - 3:45
[8] A Schritt vire [zwa Schritt zruck] (O.Kurti/B.Springsteen) - 3:50
[9] Kumm ham (O.Kurti/Chefpartie) - 3:20
[10] Des Wetter wird umschlogn (O.Kurti/Cale) - 4:35
[11] Da brade Weg (O.Kurti/Parker) - 3:30
[12] Haasses Pflosta (O.Kurti/Zech) - 3:37

Bonus Tracks:
[13] Unter Null (L. Karasek/O. Kurti) - 3:37
[14] Bleib allaa (K. Horak/O. Kurti) - 2:43

 A r t i s t s ,   P e r s o n n e l


OSTBAHN-KURTI - Gesang, Mundharmonika
KARL HORAK - Baßruder, Wandergitarre, Chorgesang
"WILD" WILLY BRUNNER - Stromgitarre
LEOPOLD "PRINZ" KARASEK - Stromgitarre, Chorgesang
MARIO ADRETTI - Klavier, Hemmungsorgel
EDUARD "ROMEO" JEDELSKY - Schlagwerk

SCHURL GABLER - Klavier & Orgel ("Arbeit")

Dr. BEI - Engineer
MARKUS GARTNER - Ass. Engineer
ROLAND PUTZGER - Cover Comics
GERHARD FRÖSTER - Lettering

 C o m m e n t s ,   N o t e s


1989 LP Amadeo 841 122-1

Aufgenommen und gemischt von Mitte Mai bis Ende Juni 1989 im Tonstudio Bei.
 

 L y r i c s


VOLL DO

Mi bringt nix mehr vua die Tia
Find den Weg ned zruck in mei Panier
Es is jetz a Wochn her
Do wolltst auf an Sprung zu mia
Wos se do tan hod, des spüts in kan Film
Und weu no so vü z'tuan is, bist glei bliebn
Und mia san nua no

Voll do - Voll guad drauf
Voll do - Jo, do schau ma drauf
Voll do - Lossn nix aus
Mia san a Wahnsinn

I man, mia liegn ned nua im Bett
Na, oiso so is des bei uns ned
Mia san a vü in da Kuchl draußt,
Weu sa se do ganz anders redt
Do folln uns Sachn ei, da vaschlogts eich de Red
Jetzt stell ma's Schlafn ei
Weu dafia wirds eh vü z'spät
Und mia san

Voll do - Rund um die Uhr
Voll do - Von miad ka Spur
Voll do - Und kriagn ned gnua
Mia san a Wahnsinn

I sog seit Tagen nua no ollas o
De bestn Freind, daß i heit ned kann
Du liegst daneben und lochst:
Nau, des schau ma se o
Wann des so weitergeht mit uns Zwaa
Vagißt de Wööd auf uns und mia san allaa
Oba imma no

Voll do - Ka bißl miad
Voll do - Mit wache Knia
Voll do - Bis Ende nia
Mia san a Wahnsinn


DA JOKER

Is woa, i hob ned die beste Nochred
Es gibt sogoa Leit de sogn mit Recht
De hean a Wuat wie... Kuat
Und scho wird eana schlecht

Oba in Wahrheit is ois ganz anders
I man, was kennan und wissn d'Leit vo mia
Oiso huach ned zua und steig liaba ei
I foa jedn Umweg heit nua wegn dia

I bin ka Gschwinda
Des sicht a Blinda
Bin heit im Gwinna
Leb sunst vom Singa
A Musikant wia ma so sogt
I hobs ned eulich
Bin a ned heulich
Und fandats echt erfreulich
Wann da des wos sogt, wos i di jetzt frog

Es liegt an dia, daß ma de Red' vaschlogt
Weilst einsteigst, so wiast einsteigst
Und dabei a no so lochst
Mia wean foan und ned stehbleibm
De ganze Nocht
Bis ma san wo ma hin wolln
Des wa do glocht


ARBEIT

Es is no finsta, do hea i eam scho
Er redt nix und huast vü, waamt sein Kaffee am Rescho
I lieg no in da Hapfn, wann de Tia draußt geht
Weu in de Arbeit, de Arbeit kummt ma ned z'spät

Vuabei an hochgwachsene Häusa volla zsammgstauchte Leit
Zerscht min Radl, dann min Rolla, aufs Auto spart a bis heit
Er is bald derrisch von da Hockn und er is blind fias Lebm
Weu in da Arbeit, in da Arbeit, do muaß ma ollas gebm

Wann a hamkummt is finsta, da Tog is vuabei
Er hod tan wos zum tuan is, weu des muaß so sei
Er redt nix und huast vü
Wü sei Ruah und sein Tee mit Rum
Weu des Lebm is Arbeit und de bringt eam um
Des Lebm is Arbeit, sogta, und de bringt mich um


(HEIT LOSS I) ANSCHREIBM

A Packl Tschik und die Zeitung zum erschtn Bier san afoch Pflicht
Da Trafikant wü glatt an 40a, sog i: Den hab ich nicht!
I loß heit anschreibm (Er loßt heit anschreibm)
I loß heit anschreibm (Er loßt heit anschreibm)
I loß heit anschreibm wos nua geht
Weu ohne Schuidn bin is ned

Hob a Gespäch unter 4 Augen, beim Wirtn glei ums Eck
Sie sogt ma, daß mi satt hot. Wias ans Zahlen geht is weg

I loß heit anschreibm (Er loßt heit anschreibm)
I loß heit anschreibm (Er loßt heit anschreibm)
I loß heit anschreibm wos nur geht
Weu ohne Schuidn bin is ned


PUDEL

Jetzt kenn ma uns seit Sunndog
Und i waaß no nix von dir
Jetzt sehn ma uns seit Sunndog
Und i derf imma nua bis vua dei Tür
Du sogst i muaß Geduld hobn
Bis daß dei klana Pudel Vertrauen hot zu mir

Zeig ma dein klanan Pudel
Geh, Susi, sei net fad
Kumm zeig ma dein klanan Pudel
Susi, sei ned fad
Zeig ma dein klanan Pudel
Wirst sehn daß er mi mog

Du sogst er is sehr bissig
Zu Leit die er net kennt
Du sogst er is sehr bissig
Und daß er se sehr langsam gwöhnt
Aber des mitn Beißen is a Ausred
So klane schwarze Pudeln habn kane scharfn Zähnt


ROMEO, ROMEO

In ana Hüttn in da Wüste zwischn Wels und Linz
Trinkt a Oide an da Bar, wo i ma denk de bringts
Do springts mi au wia wüd zagt ma a oids Foro
Sogt: "Spuck scho aus wo er steckt, mei Romeo!"

In Salzburg-Stadt kenn i flüchtig a Kitty
Recht neureich und altklug und ziemlich pretty
Hob mit dem Festspiel-Kind an Rand uma Sechse
Es Storno kummt platzert: Weil ihr Romeo weg sei!

Romeo, Romeo
Des is ka Art
So tritt ma ned o
Ois platzt und plärrt und suacht ois o
Nachn Romeo, Romeo

In de Penthäuser von Graz herrscht Zähneknirschen
De teuersten Hosn san nur no wüd auf den Hirschen
Pfeifen auf Fetzn, Schampus und Pretiosen
De Spender san abgmeldt, se wolln eanan Romeo an d'Hosn

In St. Veit an der Gölsen wo ma von Grund auf solid is
Darennt mi da näxte Fall von Romeonitis
Nach nur ana Nacht mit dem ortsfremden Schönen
Gelobt Vera K., 19, kan andern Laster zu frönen

Romeo, Romeo
Des is ka Art
So tritt ma ned o
Ois platzt und plärrt und suacht ois o
Nachn Romeo, Romeo

Noch an Monat auf Ax kumm i ham und du sagst nua:
"Ah, heut bist scho do? I hob gmant muagn in da Frua!"
Sog i: "Is des a Begrüßung? Wos isn gschehn?"
Sogst: "Garnix, Kurtl, da Romeo is eh grad im Geh!"

Romeo, Romeo
Des is ka Art
So tritt ma ned o
Ois platzt und plärrt und suacht ois o
Nachn Romeo, Romeo


LIAGN & LOCHN

Mia san eingsperrt
Jeder wo a hingheat
Wo ois so is, wia sa se gheat
Und sunst is ned vü

Es woa nie ausgmocht
Daß des an wia uns wos ausmocht
Daß er gor no aufwocht
Und auf amoi wos wü
Oba

Mei Liagn und dei Lochn
De megn si und de wolln wos vonanand
Dei Liagn und mei Lochn
De megn si und de wolln heit wos vonanand

Mia wean uns a Nocht stöhn
Uns ned zu vü Frogn stön
Oba uns ganz vü dazöhn
Ohne a anzigs Wuat

Mia wean ganz stü sei
Richtig zoat und richtig wüd sei
Wean ois wos sunst ned gült sei
A paar Stund ganz weit fuat

Mei Liagn und dei Lochn
De megn si und de wolln wos vonanand
Dei Liagn und mei Lochn
De megn si und de wolln heit wos vonanand

Kennt sei wanns draußn hell wird
Daß des Lochn wieda eingfriat
Und des Liagn kurze Fiaß kriagt
Oba des is erscht muagn


A SCHRITT VIRE (ZWA SCHRITT ZRUCK)

In da Frua san unsre Gsichta grau
De Luft zum Schneidn wia unt beim Wirtn
Weu de Nocht ham ma wieda wissn wolln
Ob de oidn Narben a no schee bliatn
Mia ham uns a gleich a paar neiche gmocht
Jojo, des könn ma
Imma dessöbe, es is varruckt

A Schritt vire, zwa Schritt zruck

Unt auf da Stroßn is Summa heit
Und es hatzt de Sunn
Oba i scheppa
Schwör ma, daß i nimma wiedakumm
Waaß genau, i kumm a paar Stund später
Dann wart i drauf, daß d Zeit vageht
Mit de Viertln fias vagessn
Imma dessöbe, es is varruckt

A Schritt vire, zwa Schritt zruck

Imma dessöbe Tog fia Tog
Wer en andern bessa obetrogt
A neiches Cut, a bißl Bluat
A kalter Kriag, Wuat fia Wuat
Wann i ma zuahea wos i red
Denk i ma: Den kenn i ned
Irgendwo am Weg noch oben
Hob i d'falsche Richtung druckt
Jetzt gehts nua no

A Schritt vire, zwa Schritt zruck

So uma Zwa an da Bar
Gfreit mi jeds fremde Lochn
Sie schaut ned sehr verheirat aus
Do loßat se wos mochn
Dann lieg i in an fremdn Bett
Nebn mia da Rest von den fremden Lochn
Und i waaß, i hob do nix valuan und i muaß fuat:

A Schritt vire, zwa Schritt zruck


KUMM HAM

Vua mia do sans blond, neben mir brünett
Hob no nie so vü scheene Fraun gsehn, oba i wü nix wia weg

I wü ham, i wü nua ham
Dort wart i dann bis in da Frua
I wart und bleib allaa

Bin eiglodn auf a Party zu lauter feine Leit
De Fraun schaun aus wia ausn Kino, oba des mocht ma heit ka Freud

I wü ham, i wü nua ham
Dort wart i dann bis in da Frua
I wart und bleib allaa

Do is die Susi und die Isabell, de sogn si ruafn mi an
Do is die Traude und die Lore, die mant, i bring sie ham
Do is die Biggi und die Annabell, de fühln se so alla
Oba se san olle ned des wovon i tram
Na, na. Hey, hey. Kumm ham

Dann häng i in an Nochtclub und i man i phantasier
Do schmeißt se ane zuwe und i man i schmus mit dia

Oba I wü ham, i wü nua ham
Dort wart i dann bis in da Frua


DES WETTER WIRD UMSCHLOGN

I sog da wias is
So wias is bleibts nimma lang
Schwarze Wolkn ziagn auf
Des zarte Lüfterl waht scho z'lang

I sog da des Wetter wird umschlogn
Do ziagt se schee wos zsamm
Oba so wia du mi anschaust
Denk i ma: Drauf wartest eh scho lang

I sog da des Wetter wird umschlogn
Es kummt mit Donner und mit Blitz
Und der wird einschlogn und uns Zwa
Daß ma vaglian in so vü Hitz


DA BRADE WEG

Glaubst echt, er hod scho gwart auf di
Auf dei scheens Gsicht, dein guadn Schmäh
Glaubst wannst schulterfrei bei eam am Schreibtisch sitzt
Fahrst karriermäßig fest in d'Heh
Glaubst echt, er hod nix anders vua
Ois wia nua no auf di zum steh

Du bildst da ei
Du bratst eam ei
Oba des is no a brada Weg

Glaubst echt, er hod nix anders z'tuan
Ois mit dia Essen geh nochn Büro
De Shrimps spülns a/zwamoi dann is aus
Dann bist du dran mitn Zahln
Zerscht is de Hand auf dein Oasch no a Vasehn
Dann zagst eam schee wos weitergeht

Du bildst da ei
Du bratst eam ei
Oba des is no a brada Weg

Waaßt genau wost wüst vom Lebn
Und des kummt ned vom Drüber Redn
Sogst: Heast, wo liegt des Problem
Wannst vü wüst muaßt zerscht ois gebn

Glaubst echt, des is des große Los
De Garconniere, wost auf eam wartst
Er zahlt den Zins und di
Und kummt wann de Famile eam loßt

Glaubst echt, er laßt ois liegn und steh fia di
A wanna so redt bei dia im Bett

Du bildst da ei
Du bratst eam ei
Oba des is no a brada Weg

Glaubst, weilst jetzt Frau Direktor haßt
Fliagt da ois wost ham wüst zua
Daham is da fad, de Garconniere wa frei
Du manst: Heast, Kurtl, ziag do ei
Oba glaubst echt, i hob nix anders vua
Ois wia fia di da Wurschtl sei

Du bildst da ei
Du bratst mi ei
Oba des is no a brada Weg


HAASSES PFLOSTA

Da Fleck in da Einfahrt
Schaut aus wia eintrickats Bluat
Des woa da Müüzriß heut noch viere
Da Schindler Bua hat an Gachn kriagt
Wegen nix wegn an foischn Wuat
Da Trafikant dazöht de Schlagzeiln
Ea woa auf sein Fenstaplotz mit dabei
Da Müüzriß des woa a ka Guada
oba des Schindler-Gfraßt hod scho
Ois Gschropp mitn Flobertgwehr
Auf Taubn gschossn und auf oide Leit

Na, des Lebn is ka Spaß
Und des Pflosta is haaß
Bei mia in da Gassn

Do drübn woa amoi a Repassierstubn,
Dann da Frau Gerti ia Stricksalon
Jetzt gibt do a ewiche Studentin Stunden
In Französisch und Griechisch
Gegn Aufpreis a in an strengeren Ton
In ihrer Auslog schlogt a Herz aus rote Liachta
Oba a Herz wia des schlogt do ned lang
Da Türk obn am Eck hod a miaßn zuasperrn -
Sei Kebbab hams woin oba eam ned
Weu ea ned woa wia ma is do am Grund

Na, des Lebn is ka Spaß
Und des Pflosta is haaß
Bei mia in da Gassn

Heit fliagt da Fernseher ausn Fensta
Weu de Vienna hod scho wieda valuan
Und wann da Schestak sei Oide birnt und beidlt
Waaßt es ist Samstog und noch ana Wochn Hockn
Is endlich Zeit fian eiganan Zurn

Na, des Lebn is ka Spaß
Und des Pflosta is haaß
Bei mia in da Gassn


UNTER NULL

Ka Ahnung wia des Kaff haaßt
Wo ma heite spün
I finds auf kana Kortn
Und mei Birn is a anzigs Brülln
Im Bus sans olle auf "La Bamba"
Wo a jeda waaß, wia i des hoß
Und i wea no zum Berserker
Wann uns der Lastla ned boid vire loßt

Unter Null, unter Null
A Tog, der mi Johre kost
Und draußen beißt da Frost, unter Null
Unter Null, unter Null
A Tog, der mi Johre kost
Und draußen beißt da Frost, unter Null

Es schneibt wia beim Schiwago
In da Gadrob gfriast da en Oasch o
Da Wirt do hot ka Gordon
Und die Heh draht noch 1na Stund en Soft o

Unter Null, unter Null
A Tog, der mi Johre kost
Und draußen beißt da Frost, unter Null
Unter Null, unter Null
A Tog, der mi Johre kost
Und draußen beißt da Frost, unter Null

Ka Ahnung wia i ´s anleg
Wann mia amoi nimma spün
Vielleicht steig i um auf Karten
Und geh ois Billeteur im Roxy Kino drübn
Draußn schneibts wia beim Schiwago
Daham gfriats ma en Oasch o
Ka Marie do fia a Gordon
Und morgen kummans und drah ma en Soft o

Unter Null, unter Null
A Tog, der mi Johre kost
Und draußen beißt da Frost, unter Null
Unter Null, unter Null
A Tog, der mi Johre kost
Und draußen beißt da Frost, unter Null


BLEIB ALLAA

Wost du heakummst, sans mit ollas schnölla
Mitn Saufn, mitn Schiaßn und mit da Gitaa
Wost du heakummst, durt is ollas größa
De Hiat, de Auto und nur durt is ma so allaa

Du bist staa oid, host 120 Gschroppn
Die host aufzogn mit Bananen und Birn
Du bist bluatjung jetzt, se lernan da grod ed Renna
Auf Scherbn und spitze Stana, barfuß ohne Schuach

Bleib nie wost bist
Bleib liaba auf da Durchras
Bleib nie wo z´lang
Bleib ned, du kannstas
Wann di wer zruckhoit
Sog afoch Naa und bleib allaa

I siech di redn, i hea di singa
Und i loch und waan und tram mit dia
Schau di an, waaß se ham da wehtan
Oba kriagt hams di ned und si kriagn di nia

Bleib nie wost bist
Bleib liaba auf da Durchras
Bleib nie wo z´lang
Bleib ned, du kannstas
Wann di wer zruckhoit
Sog afoch Naa und bleib allaa

 M P 3   S a m p l e s


Currently no Samples available!